Сочиненин къовсам: «Бовза, беза нохчийн мотт»
21.03.2023Бекарг беттан 21-чу дийнахь, Нохчийн Республикин дешаран а, Ӏилманан а министерствон омрица массо а йукъарчу ишколашкахь дӀабаьхьира Нохчийн меттан денна лерина йукъарчу дешаран хьукматийн дешархошна йукъахь «Бовза, беза нохчийн мотт» цӀе йолу республикански къовсам.
Къовсаман Ӏалашонаш:
– кегийрхойн кхиаран интеллектан тегӀа лакхайаккхар;
– дешархойн дозуш долу йозанан къамел кхиор а, сочинени йазйан Ӏаморан эвсара зеделларг вовшахтохар а, къепе далор а, даржор а;
– нохчийн маттах а, исбаьхьаллин литературех а долу хаарш лакхара хиларан мехалла кегийрхошна йовзийтар.